週四 3月 23, 2006 7:26 am
一個誠久無見面的好友，昨尾暗阿招我逗陣去「高雄港漁人碼頭」飲咖啡兼看港口夜景。
朋友一提議彼個地點的時陣，高雄市啥物時陣抑有一個新的景觀咧？唉呀，朋友笑我講：「汝喔！有夠俗呢！」竟然佇離恁兜袂介遠的地點，過一個愛河的五福橋經由鹽埕埔的七賢路尾，竟然汝會毋知影？確實，我無介清楚，因為咖啡我無愛飲，人傷濟的所在我嘛袂愛去蹉跎佮人相嗑真悿，因此一向較少注意職種消息。
鹽埕埔是一個褪色的繁華，佇我的人生旅途轉換跑道的時，踮遐蹛過五冬，嘛因為按尼，掘江、賊仔市一帶我攏誠熟，不貳過，印象傷深刻的抑是瀨南街共大仁路的冊攤，彼個所在誠濟當年的禁書，佇遐偷偷矣看袂少。
高雄港佇當初算是有管制，所以我道毋捌去過，當然著無去注意啥時陣開放。因為昨方並毋是歇睏日，看起來遊客無介濟，參淡水的「漁人碼頭」比起來非常冷清，阮撿職個較偎海的座位，叫兩杯「山盟海誓」，一份泡芙一份白色的圓舞曲，四百箍有找，消費是袂貴，毋拘，兌我無趣味的物件，貴淑道不全在。
朋友笑我無品味呷咖啡看海景。其實，講著海景，可能著愛日黃昏，比較著時陣，會凍看夕陽吹海風聊心事，因為附近著是西子灣，暗時，干礁看會著是閃熾的燈光，其他的是一片烏烏暗暗（少年人約會的好所在），朋友講是我的心境烏暗毋是風景烏，道象粗俗話：「家己袂生，牽拖茨邊」、「家己無肉怨人大尻川」，遮不毋是文雅的話，凊采看看仔聽聽仔著好（有一寡仔閩音愛檢時檢地即講，毋是家己喝爽快著會使）。
來喔！我的描述是有較差淡薄仔，人講百聞不一見，逐家若是有閒，來高雄港的漁人碼頭蹉跎共搧海風，見識職下矣下港人的按怎樣熱情。 2005/04/19
朋友一提議彼個地點的時陣，高雄市啥物時陣抑有一個新的景觀咧？唉呀，朋友笑我講：「汝喔！有夠俗呢！」竟然佇離恁兜袂介遠的地點，過一個愛河的五福橋經由鹽埕埔的七賢路尾，竟然汝會毋知影？確實，我無介清楚，因為咖啡我無愛飲，人傷濟的所在我嘛袂愛去蹉跎佮人相嗑真悿，因此一向較少注意職種消息。
鹽埕埔是一個褪色的繁華，佇我的人生旅途轉換跑道的時，踮遐蹛過五冬，嘛因為按尼，掘江、賊仔市一帶我攏誠熟，不貳過，印象傷深刻的抑是瀨南街共大仁路的冊攤，彼個所在誠濟當年的禁書，佇遐偷偷矣看袂少。
高雄港佇當初算是有管制，所以我道毋捌去過，當然著無去注意啥時陣開放。因為昨方並毋是歇睏日，看起來遊客無介濟，參淡水的「漁人碼頭」比起來非常冷清，阮撿職個較偎海的座位，叫兩杯「山盟海誓」，一份泡芙一份白色的圓舞曲，四百箍有找，消費是袂貴，毋拘，兌我無趣味的物件，貴淑道不全在。
朋友笑我無品味呷咖啡看海景。其實，講著海景，可能著愛日黃昏，比較著時陣，會凍看夕陽吹海風聊心事，因為附近著是西子灣，暗時，干礁看會著是閃熾的燈光，其他的是一片烏烏暗暗（少年人約會的好所在），朋友講是我的心境烏暗毋是風景烏，道象粗俗話：「家己袂生，牽拖茨邊」、「家己無肉怨人大尻川」，遮不毋是文雅的話，凊采看看仔聽聽仔著好（有一寡仔閩音愛檢時檢地即講，毋是家己喝爽快著會使）。
來喔！我的描述是有較差淡薄仔，人講百聞不一見，逐家若是有閒，來高雄港的漁人碼頭蹉跎共搧海風，見識職下矣下港人的按怎樣熱情。 2005/04/19
