週三 3月 29, 2006 6:54 am
想伊想到欲戇去
短別紀言 明 王次回
為郎愁絕為郎癡，更怕郎愁不遣知，
叮嚀寄書人說向，玉兒歡笑似平時。
台文譯寫：
伊離開的日子，毋知底時才團圓，思念的憂悶艱苦，予我失魂落魄，想伊想到欲戇去。
又閣驚伊知影我這款的模樣，予伊為我咧擔憂，只好強強忍椆咧毋敢予伊知。
一再拜託信使仔轉達我的心內話，講我玉兒參平時仔共款，逐工攏歡歡喜喜，請伊安心免掛意。
說 明：
詩短短幾字，說出離別的無奈佮痛苦，明明是思念情人艱苦甲擋未椆，閣驚伊知影了後換伊為我咧艱苦。毋甘伊為我掛吊，不得已假作真歡喜，交代送批的人，一定愛共伊講，我人像以早共款真好，真快樂！愛的深情，使人感動！
