週六 4月 08, 2006 9:27 pm
ㄎㄍ－ㄎㄍ－ㄎㄍ－ㄎㄍ─阿爸騎著腳踏車，慢慢向前行，後壁綁菜葉，頭前載肉粽，天打晡光就出門，唔管透日也是落雨，為著厝內三個寶貝仔子，拚死拚活認真賺，只殷望子兒過好日子，受好兮教育才會有出頭的一工，按尼閤較艱苦嘛甘願！
阿母去了早，阿爸身兼老母職將子飼大。阿爸唔識ㄅㄆㄇ，穿著短褲布袋衫，透早就出門，子兒問：「爸爸汝欲去叨位？」「乖囝仔，乖乖睏，睏起來去學校認真讀冊，以後才有出脫。」講煞，ㄎㄍ－ㄎㄍ－ㄎㄍ─阿爸兮腳踏車慢慢向菜市場騎去。
一日，風颱天，囝仔睏起來找無阿爸甲伊兮腳踏車，桌頂煮好兮糜溫溫，囝仔兮心冷冷；中晝，阿爸倒轉來，歸身軀澹糊糊，眉頭結緊緊，頭殼頂一條像蚪蚉大兮傷口咧流血，看到囝仔，阿爸趕緊摀住傷口，笑笑對囝仔講：「有吃早頓麼？放假有複習冊麼？」阿爸發現囝仔一直看伊兮傷口，才講：「我無注意紲去互柴板哢著，小傷，沒代誌。風颱天嘛就加減賺……」講完就行入去房間，囝仔偷綴置後面，看著阿爸抹藥，結眉頭，親相會疼強忍耐；不只是阿爸兮頭殼疼， 囝仔兮心才是真正痛疼……
大漢了後生活改善，子兒苦勸阿爸休睏，阿爸終無閤去賣菜，不過猶原定定騎伊兮腳踏車四界走……
穿著西裝，轉來庄腳，三個囝仔是阿爸兮英投兮子，看著阿爸兮腳踏車停佇門口庭，安怎紲找未著 ……阿爸兮身影……
阿母去了早，阿爸身兼老母職將子飼大。阿爸唔識ㄅㄆㄇ，穿著短褲布袋衫，透早就出門，子兒問：「爸爸汝欲去叨位？」「乖囝仔，乖乖睏，睏起來去學校認真讀冊，以後才有出脫。」講煞，ㄎㄍ－ㄎㄍ－ㄎㄍ─阿爸兮腳踏車慢慢向菜市場騎去。
一日，風颱天，囝仔睏起來找無阿爸甲伊兮腳踏車，桌頂煮好兮糜溫溫，囝仔兮心冷冷；中晝，阿爸倒轉來，歸身軀澹糊糊，眉頭結緊緊，頭殼頂一條像蚪蚉大兮傷口咧流血，看到囝仔，阿爸趕緊摀住傷口，笑笑對囝仔講：「有吃早頓麼？放假有複習冊麼？」阿爸發現囝仔一直看伊兮傷口，才講：「我無注意紲去互柴板哢著，小傷，沒代誌。風颱天嘛就加減賺……」講完就行入去房間，囝仔偷綴置後面，看著阿爸抹藥，結眉頭，親相會疼強忍耐；不只是阿爸兮頭殼疼， 囝仔兮心才是真正痛疼……
大漢了後生活改善，子兒苦勸阿爸休睏，阿爸終無閤去賣菜，不過猶原定定騎伊兮腳踏車四界走……
穿著西裝，轉來庄腳，三個囝仔是阿爸兮英投兮子，看著阿爸兮腳踏車停佇門口庭，安怎紲找未著 ……阿爸兮身影……
