路邊兮老阿公

[簡明]

　　大路邊，愈來愈常看到老歲仔孤單兮行影，愈來愈少看到路人踏進前去相借問，老化兮社會，將道德也放昧記了。
　　今日，停青紅燈兮時純，阮看到對面一位八十外歲兮老阿公，正爿中風，左手拄拐仔，用足慢兮速度勻仔行。當伊行經過一台烏頭仔車，駛車兮人探出頭來看，誠無耐煩對老阿公仔喝幾落聲，親像咧催老阿公趕緊行，經過兮機車佮轎車攏咧看，紲沒人願意停落來出手（抑是出聲）相助。等老阿公終於行到烏頭車兮車尾，烏頭車馬上就欲駛震動，險險撞到老阿公，阮心裡實在非常著急佮生氣！
　　青燈了後，阮直接騎機車到老阿公兮面頭前，問講：「阿公仔，汝拄才有驚到嘛？汝想欲去叨位？阮載汝去。」阿公嚇驚著兮款看阮，連講幾句毋免，又閣拄著伊兮拐仔慢慢向前行，經過兮人車攏對阮露出冷淡兮眼神。阮閣綴著老阿公講：「阿公仔，阮不是壞人，看汝行路遮辛苦，汝欲去叨位？阮載汝去，好麼？」老阿公目周金金看阮，講：「毋免啦，欲到位啊，佇頭前爾爾。」又再三確認，老阿公是真正毋敢互阮載，阮也不好閣勉強，最後，向老阿公提醒：「阿公仔，要細膩喔！」阿公終於露出笑容，對阮點頭。
　　歸社會攏老化嘍，道德煞夆放昧記，勇健兮少年人毋知影敬老尊老，老歲仔嘛毋敢相信人性的善良。有一工，是不是咱也會變成路邊行路困難兮老阿公老阿嬤？彼時，勇健兮少年仔又會變成安捺？社會咧？敢還有「道德」的存在麼？

[5656]

　　大路邊，愈來愈劫看到老歲仔兮孤單行影，愈來愈少看到路人前
去問候，老化兮社會，將道德也放昧記了。

　　今日，停青紅燈兮時純，阮看到對面一位八十外歲兮老阿公，
正屏中風，左手杵拐仔，以非常緩慢兮速度行路。當伊行經過一台
黑頭仔車，車主探出頭來看，非常沒耐煩對老阿公喊幾咯聲，親像
是催老阿公趕緊行，經過兮機車佮轎車攏咧看，紲沒人願意停下來
出手（抑是出聲）相助。當老阿公終於行到黑頭車尾，黑頭車馬上
就欲駛出，險險撞到老阿公，阮心裡實在非常著急佮生氣！

　　青燈了後，阮直接騎機車到老阿公兮面頭前，問：「阿公仔，
汝督才有驚到嘛？汝想欲去叨位？阮載汝去。」阿公嚇驚款看阮，
連講幾句不免，又再杵著伊兮拐仔慢慢向前行，經過兮人車攏對阮
投出冷淡兮眼神。阮又跟著老阿公，講：「阿公仔，阮不是壞人，
看汝行路遮辛苦，汝欲去叨位？阮載汝去，好嗎？」老阿公目周睛
睛看阮，講：「不免啦，欲到了，佇頭前而已。」又再三確認，老
阿公是真正不敢互阮載，阮也不好又勉強，最後，向老阿公提醒：
「阿公仔，要細膩喔！」阿公終於現出笑容，對阮點頭。

　　歸社會攏老化了，道德也被放昧記了，勇健兮少年仔不知扶老
敬老，老歲仔也不再相信人性了。有一日，是不是咱也會變成路邊
行路困難兮老阿公老阿嬤？彼時，勇健兮少年仔又會變成安捺？社
會咧？也有所謂兮「道德」嗎？

先重排作我較習慣的排版方式
等晚頓完
才來看　︿＿＿︿

[5656]

簡明..
按尼你讀看有較順麼
無ㄧ定照我改的喔
當然以你的讀法為準^___^


　　大路邊，愈來愈常看著老歲仔兮孤單行影，愈來愈少看到過路人相扶持，老化兮社會，將道德也放昧記了。

　　今仔日，停青紅燈兮時陣，阮看到對面一位八十外歲兮老阿公，正屏中風、左手拄拐仔，以非常慢兮腳步行路。當伊行經過一台黑頭仔車，車主探出頭來看，非常無耐心對老阿公嘩幾落聲，親像是咧催老阿公趕緊行，經過兮機車佮轎車攏咧看，紲沒人願意停落來出手（抑是出聲）相助。等老阿公行到黑頭車尾，黑頭車馬上就欲駛震動，險險撞到老阿公，阮心內實在非常著急佮生氣！

　　青燈了後，阮直接騎機車到老阿公兮面頭前，問：「阿公仔， 汝拄才有驚著麼？汝想欲去叨位？阮載汝去。」阿公驚魂未定看著阮，連講幾句毋免，又閤拄著伊兮拐仔慢慢向前行，經過兮人攏對阮露出冷淡兮眼神。阮又綴著老阿公，講：「阿公仔，阮不是壞人啦，看汝行路遮辛苦，汝欲去叨位？阮載汝去，好麼？」老阿公目周金金看阮，講：「毋免啦，欲到了，佇頭前爾爾。」又再三確認，老阿公是真正毋敢互阮載，阮也不好傷勉強。最後，向老阿公提醒：「阿公仔，愛細膩喔！」阿公露出笑容，對阮點頭。

　　社會老化，道德也被放昧記，勇健兮少年仔毋知扶老敬老，老歲仔也無相信人性。有一日，是不是咱也會變成路邊行路困難兮老阿公老阿嬤？彼時，勇健兮少年仔又會變成安捺？社會咧？敢還有「道德」的存在麼？

[5656]

再訂正..

左邊右邊→左爿正爿