週日 4月 16, 2006 2:41 pm
預定置這一工 戶外教學
無疑風透 雨也大
堅定唔改期...
風雨予 週休五工 生理人
加休一日
阮一群人來到
取消怹 特別假....
山裡 歇雨起濛霧
輕霧飄飄若仙境
夯頭看天頂
拚勢斟酌相
亦是揣無神仙
影跡.....
佇華山溪河岸
看著水崩山
土石流教育園區
防治工程
一層一層防沙壩
水唯懸沖向下
組成有名的
十層小瀑布...
老師帶領
去一个真趣味
的所在
山中茅蘆
是怹親晟開的...民宿
房間設計 穀亭畚造型
同學滾笑說卜去探房
先要包 紅包予人...
佇埕中央 有種紅甘蔗
有三 四層樓懸
真特殊罕見
阮攏是 頭擺看著…
古早物件 新用途
棕蓑 秤仔
掛佇竹厝壁頂
攏是卜夆欣賞的 ...
