週二 4月 25, 2006 11:33 pm
大海無風未起浪，大樹無風未搖枝
人世間的成功、失敗、得著、失去、興旺、衰微、呵咾、毀謗、稱讚、恥笑、受苦、得樂
，遮的代誌發生，事出必有因。「因」拄著「緣」的力量，才產生「果」。親像虛空中的
空氣，拄著冷，變作雨水；水拄著冷，結成冰；冰拄著燒熱，煞變溶去；水拄著燒熱，變成
水煙（蒸氣）。這攏是因果的現象。按怎的因，就會產生按怎的果。因果的報應，就親像影
跡綴踮咱的身軀攏未無去，所以「善惡終歸尾（到頭）攏會報」，才講「菩薩畏因，眾生畏
果」，咱千萬愛細膩，毋通種了無好的因。
「大海無風未起浪，大樹無風未搖枝」，了解事出必有因，就未干礁咧欣羨別人的成就，嘛
未怨妒別人的好額（富有），嘛未有「無落種閣欲夢收成、山雞數想食水鴨」的怪事。假使
失敗，嘛會心甘情願接受，因為拍拚無夠，成功的因緣猶未具足！經過反省，使人更加奮志
，因此運轉了輸勢，更加出脫。假使成功，嘛會顧謙，因為除了咱的拍拚，閣有濟濟的人來
幫贊，愛感恩，愛閣廣結善緣，使予地基愈在愈勇。
「善有善報，惡有惡報，毋是無報，是時辰未到。」因果通三世，若是一世人就報盡，做歹
的一直做歹落去，橫直現搶現劫現享受才講，刣一個嘛是刣，刣
十個嘛是刣，準講掠著判刑槍殺，後出世人閣是一條好漢，按呢敢未上過無情理！
種瓜得瓜，種豆得豆，是著的。毋過，敢會有發生有種作無收成的狀況，是有可能性，毋
過畢竟是少數，特殊的情形。因果欲講，就愛講「因、緣、果」，「因」欲變作「果」
，必須「緣」的作用。因像種子，緣像種作、日頭光、水分、土壤、肥料滋養分，無「因」
當然未有「果」，有因閣愛拄著緣，果才會產生。緣的力量假使輕
薄，就未有果來產
生，就未有好收成。
因果是定數，緣煞變做關鍵，俗語講得好：「三分天註定，七分靠拍拚」，咱這久所做
所為，就是緣的力量，是掌握佇咱家己的手裡。好心、好行，將好的因變成好的果報，
將歹的因慢且變作歹的果報。
咱欲「修」正「行」為，斷惡行善，就是為了這個原因，按呢人生才有認真拍拚的意義
！業由心造，亦是愛對心來轉。會當轉，就會當改變欲發生的果報，或者是減少伊果報
的成分。無咧，就予業縛去，遭受著惡報。所以，凡夫認命，智者造命。
較會予人真僥疑的是，為啥乜「好心的倒咧餓，歹心的戴王帽」，「歹心的食雷肉，
好心的予雷拍」？這，講來就話頭長，後回才講！
人世間的成功、失敗、得著、失去、興旺、衰微、呵咾、毀謗、稱讚、恥笑、受苦、得樂
，遮的代誌發生，事出必有因。「因」拄著「緣」的力量，才產生「果」。親像虛空中的
空氣，拄著冷，變作雨水；水拄著冷，結成冰；冰拄著燒熱，煞變溶去；水拄著燒熱，變成
水煙（蒸氣）。這攏是因果的現象。按怎的因，就會產生按怎的果。因果的報應，就親像影
跡綴踮咱的身軀攏未無去，所以「善惡終歸尾（到頭）攏會報」，才講「菩薩畏因，眾生畏
果」，咱千萬愛細膩，毋通種了無好的因。
「大海無風未起浪，大樹無風未搖枝」，了解事出必有因，就未干礁咧欣羨別人的成就，嘛
未怨妒別人的好額（富有），嘛未有「無落種閣欲夢收成、山雞數想食水鴨」的怪事。假使
失敗，嘛會心甘情願接受，因為拍拚無夠，成功的因緣猶未具足！經過反省，使人更加奮志
，因此運轉了輸勢，更加出脫。假使成功，嘛會顧謙，因為除了咱的拍拚，閣有濟濟的人來
幫贊，愛感恩，愛閣廣結善緣，使予地基愈在愈勇。
「善有善報，惡有惡報，毋是無報，是時辰未到。」因果通三世，若是一世人就報盡，做歹
的一直做歹落去，橫直現搶現劫現享受才講，刣一個嘛是刣，刣
十個嘛是刣，準講掠著判刑槍殺，後出世人閣是一條好漢，按呢敢未上過無情理！
種瓜得瓜，種豆得豆，是著的。毋過，敢會有發生有種作無收成的狀況，是有可能性，毋
過畢竟是少數，特殊的情形。因果欲講，就愛講「因、緣、果」，「因」欲變作「果」
，必須「緣」的作用。因像種子，緣像種作、日頭光、水分、土壤、肥料滋養分，無「因」
當然未有「果」，有因閣愛拄著緣，果才會產生。緣的力量假使輕
薄，就未有果來產
生，就未有好收成。
因果是定數，緣煞變做關鍵，俗語講得好：「三分天註定，七分靠拍拚」，咱這久所做
所為，就是緣的力量，是掌握佇咱家己的手裡。好心、好行，將好的因變成好的果報，
將歹的因慢且變作歹的果報。
咱欲「修」正「行」為，斷惡行善，就是為了這個原因，按呢人生才有認真拍拚的意義
！業由心造，亦是愛對心來轉。會當轉，就會當改變欲發生的果報，或者是減少伊果報
的成分。無咧，就予業縛去，遭受著惡報。所以，凡夫認命，智者造命。
較會予人真僥疑的是，為啥乜「好心的倒咧餓，歹心的戴王帽」，「歹心的食雷肉，
好心的予雷拍」？這，講來就話頭長，後回才講！