週日 4月 30, 2006 10:13 am
因 緣 譯自印順導師《高級佛學教科書》古早人講：「暗時對天頂落來滿土跤的黃金，嘛就愛較早起來的人才抾（拾獲）
會著」。這是說明：「雖然人人得會著，人人攏有分，亦是閣愛家己好好仔拍拚。有
一寡悾歁的人，相信運命好、風水好、拜神、拜鬼，不知影家己綿爛拚勢（認真努力）
，結果攏是會烏有（落空）。
去到山頂採碳礦的，有的掘著黃金，有的煞啥乜攏無得著。山裡如果無碳礦，按呢
當然採未到啥乜。親像世間人，有的小可仔拍拚，就食飽穿燒，事業成功。
有的人有力盡拚，亦是未當達成伊的心願。這欲怪誰咧？是家己以前無修集福因的緣故
！佛講：「人的好額散（富、貧），巧、戇（愚智），長歲壽、短命，散赤、發達，
是咱前生的業因，閣加上現此時的助緣，這是佛法的因緣觀。如果講奚（那）是前生命
中注定，抑是講是這世人做的功德，所得著的果，按呢就無符合佛法嘍！」
