週六 5月 06, 2006 5:21 am
阿母 ~ 祝汝身體永遠康健呷百貳
會記得阮讀國校仔e時袸，阿擱無真時行啥密母親節，逗逗阿...嘛m知係毋係彼生理郎佇喊譁? 阿係咱台灣郎e生活漸漸西洋化? 毋外久，逐年新曆5月e第貳禮拜，都係[母親節]遮工，咱會使看到足濟郎，攏會專工買康乃馨既種花送乎老母，講遮係代表母親e花，嘛有聽郎講~金針花(萱花)才係!橫直攏係代表母親節e花都對阿，毋擱阮看大部分e郎攏係買康乃馨，可能係既款花e色水足濟款嘛卡嫷，擱耐擋，逐家扎會卡甲意。
佇遮工，真濟郎嘛會送老母"雞卵糕"，紡店(麵包店)佇遮個月係大月，偌生理卡好e紡店(麵包店)，汝想卜買都愛量早甲伊注文，臨時卜買驚會買無喔!
阮彼古意擱勤儉e老母，拄才咱面頂所講e物件伊攏無愛，偌卜送營養食品，像雞精既款，擱驚伊毋敢淋，既馬阮學卡巧阿，歸氣包紅包予伊，老大郎攏愛紅包，按呢阮嘛免為著卜買啥佇操煩! 阮阿母真趣味，阮偌手頭卡量相，包卡濟錢，伊都會留一括，偆呢攏擱嘟還阮，定定阮甲伊都為著彼括錢，佇彼嘟來嘟去嘟歸半晡，予阮小弟因看嘎強卜昏去.....
阮阿母今年80歲囉~遮兩年腳頭烏卡袂支力，不時酸軟痛，本底挺挺挺e尻脊拼，因為舊年e手術，既馬煞略略阿瘟龜瘟龜，歸e郎麻卡消散落肉，看了真毋甘....毋擱麻無法度，好佳哉伊還算真勇健，糜飯嘛攏呷會落，遮係阮上感謝神明保庇e所在。
阿母 ，佇遮偉大擱感恩e 母親節，阮祝福汝~身體永遠康健呷百貳!!
會記得阮讀國校仔e時袸，阿擱無真時行啥密母親節，逗逗阿...嘛m知係毋係彼生理郎佇喊譁? 阿係咱台灣郎e生活漸漸西洋化? 毋外久，逐年新曆5月e第貳禮拜，都係[母親節]遮工，咱會使看到足濟郎，攏會專工買康乃馨既種花送乎老母，講遮係代表母親e花，嘛有聽郎講~金針花(萱花)才係!橫直攏係代表母親節e花都對阿，毋擱阮看大部分e郎攏係買康乃馨，可能係既款花e色水足濟款嘛卡嫷，擱耐擋，逐家扎會卡甲意。
佇遮工，真濟郎嘛會送老母"雞卵糕"，紡店(麵包店)佇遮個月係大月，偌生理卡好e紡店(麵包店)，汝想卜買都愛量早甲伊注文，臨時卜買驚會買無喔!
阮彼古意擱勤儉e老母，拄才咱面頂所講e物件伊攏無愛，偌卜送營養食品，像雞精既款，擱驚伊毋敢淋，既馬阮學卡巧阿，歸氣包紅包予伊，老大郎攏愛紅包，按呢阮嘛免為著卜買啥佇操煩! 阮阿母真趣味，阮偌手頭卡量相，包卡濟錢，伊都會留一括，偆呢攏擱嘟還阮，定定阮甲伊都為著彼括錢，佇彼嘟來嘟去嘟歸半晡，予阮小弟因看嘎強卜昏去.....
阮阿母今年80歲囉~遮兩年腳頭烏卡袂支力，不時酸軟痛，本底挺挺挺e尻脊拼，因為舊年e手術，既馬煞略略阿瘟龜瘟龜，歸e郎麻卡消散落肉，看了真毋甘....毋擱麻無法度，好佳哉伊還算真勇健，糜飯嘛攏呷會落，遮係阮上感謝神明保庇e所在。
阿母 ，佇遮偉大擱感恩e 母親節，阮祝福汝~身體永遠康健呷百貳!!
