週日 5月 07, 2006 12:16 am
公 奠 文
維
中華民國95年5月8日，台灣○○地方法院院長○○○帶領同仁代表，誠心誠意獻紙儀致祭
佇本院法警黃東州君的靈前：
嗚呼！東州君！
山領猶原青翠，溪水猶原悠悠，東州君啊！汝煞一去無回頭！
緬懷汝出生庄跤，囡仔時代就真乖巧，幫贊厝內田園穡頭，養成生活樸實、單純，個性顧
謙、溫和，做事搰力、儼硬，做人正直、熱心，處處為人設想，事事要求和諧圓滿的人格
特質。
汝原本就讀北港高農畜牧獸醫科卒業，應當會當佇即個部門真好的發揮。後來做兵抽籤分
派到憲兵部隊，因為這個因緣，致使汝退伍了後，經過本院嚴格的甄選，佇民國80年8月
16日到本院任法警，84年參加中央機關委任升官等及格，92年得著司法院3等服務獎章
，服務15冬，考績10幾冬甲等，表現攏非常傑出，真正是法警的模範，法警的光榮。
法警的空課，比較其他的業務，上大的無仝，是危險性、責任重、定定愛值班。汝服務公
職起頭，汝對勤務種種就認真了解學習，使予本身具備了一個標準的法警，得著主管、首
長的信任呵咾，同伴的敬佩。尢其是面對各種問題，肯用心去請教資深同僚，閣家己去斟
酌思考，揣出上妥當的辦法。落尾手，對後進的同僚伊擺是主動去關心、去指導怹，使怹
佇生疏、恐惶當中，得到倚靠，經驗的傳接，予怹真緊就會當真正順利來完成任務，深
深得著人緣，得著贊歎。
汝對家己的行踏要求嚴格，對待同事卻是寬容體貼，同僚有困難，汝就是一聲答應無推辭
。汝的跤手猛掠，身體嘛真勇壯。平時仔，汝透早著起床，先去田園舞了一睏，才閣來上
班，猶原精神飽足，誰知無風無搖，倒大欉樹。青天白日，雨對天窗潑落來。汝煞佇假日
一個人值勤的時，血抱心心臟麻痺一命歸仙！別世佇汝上蓋認真用心的空課頂，唉！真是
使人著驚、毋甘、感嘆啊！
人生親像一齣戲，戲總是會搬完備，戲煞人散去，干礁留囥戲台空空無半項。其實，戲齣
猶原閣佇別位咧公演，演員會換，觀眾變無仝爾爾。公奠惜別之期，數念汝生前音聲相貌
，汝服務公職的舉止身影，貢獻濟濟，痛失壯才，無盡哀思。汝有靈聖，請鑒納阮逐家對
汝的贊歎、思念佮祝福，嗚呼哀哉！尚饗！
維
中華民國95年5月8日，台灣○○地方法院院長○○○帶領同仁代表，誠心誠意獻紙儀致祭
佇本院法警黃東州君的靈前：
嗚呼！東州君！
山領猶原青翠，溪水猶原悠悠，東州君啊！汝煞一去無回頭！
緬懷汝出生庄跤，囡仔時代就真乖巧，幫贊厝內田園穡頭，養成生活樸實、單純，個性顧
謙、溫和，做事搰力、儼硬，做人正直、熱心，處處為人設想，事事要求和諧圓滿的人格
特質。
汝原本就讀北港高農畜牧獸醫科卒業，應當會當佇即個部門真好的發揮。後來做兵抽籤分
派到憲兵部隊，因為這個因緣，致使汝退伍了後，經過本院嚴格的甄選，佇民國80年8月
16日到本院任法警，84年參加中央機關委任升官等及格，92年得著司法院3等服務獎章
，服務15冬，考績10幾冬甲等，表現攏非常傑出，真正是法警的模範，法警的光榮。
法警的空課，比較其他的業務，上大的無仝，是危險性、責任重、定定愛值班。汝服務公
職起頭，汝對勤務種種就認真了解學習，使予本身具備了一個標準的法警，得著主管、首
長的信任呵咾，同伴的敬佩。尢其是面對各種問題，肯用心去請教資深同僚，閣家己去斟
酌思考，揣出上妥當的辦法。落尾手，對後進的同僚伊擺是主動去關心、去指導怹，使怹
佇生疏、恐惶當中，得到倚靠，經驗的傳接，予怹真緊就會當真正順利來完成任務，深
深得著人緣，得著贊歎。
汝對家己的行踏要求嚴格，對待同事卻是寬容體貼，同僚有困難，汝就是一聲答應無推辭
。汝的跤手猛掠，身體嘛真勇壯。平時仔，汝透早著起床，先去田園舞了一睏，才閣來上
班，猶原精神飽足，誰知無風無搖，倒大欉樹。青天白日，雨對天窗潑落來。汝煞佇假日
一個人值勤的時，血抱心心臟麻痺一命歸仙！別世佇汝上蓋認真用心的空課頂，唉！真是
使人著驚、毋甘、感嘆啊！
人生親像一齣戲，戲總是會搬完備，戲煞人散去，干礁留囥戲台空空無半項。其實，戲齣
猶原閣佇別位咧公演，演員會換，觀眾變無仝爾爾。公奠惜別之期，數念汝生前音聲相貌
，汝服務公職的舉止身影，貢獻濟濟，痛失壯才，無盡哀思。汝有靈聖，請鑒納阮逐家對
汝的贊歎、思念佮祝福，嗚呼哀哉！尚饗！
