週三 5月 10, 2006 4:10 pm
參加奠禮了後的回想2.
親人過身，現主時大多數是交予葬儀社處理，葬儀社按怎講，家屬就按怎做。
一擺蹛嘉義的師兄怹的老父過往，怹一個是高中老師，一個是醫生，阮趕到位，干礁看怹兩人怢怢坐踮客廳膨椅，毋知欲創乜好，老父的身軀囥踮怹頭前面的土跤兜。身軀倒佇一領薄薄的床枋頂懸，床枋的下面鋪著六塊薄薄一沿的磚仔角，磚仔角的下面是土跤。彼一幕足淒涼的感覺，我永遠會記得。
十幾年前阮去共亡者助念，就發覺拚廳共亡者囥佇土跤兜，感覺誠毋值，誠不忍心，心肝足礙謔。師父就敎阮愛將遺體的床枋用椅頭仔疊懸（墊高），助念團認為真有理，去助念的時就按呢要求，拄開始有的家屬毋肯接受，當時的葬儀社嘛有人反對，毋過較明理的家屬，認為按呢加真溫暖，人親像睏佇眠床。尤其阮會教家屬將床枋舖上嫷嫷的毛巾被，囥著亡者平時仔用的枕頭，身軀閣蓋一領薄氊仔，頂懸閣蓋阮紮去的金黃色陀羅尼被，家屬攏感覺足好的，無像別人囥佇土跤頂懸，閣蓋一塊白布，實在真驚人。
早期葬儀社無赫呢仔普遍的時，為著關懷蓮友，攏會幫怹搭靈幃佮靈堂，阮就提金黃色的布來佈置，十外年前是無人按呢做的，攏是用白雪雪的布仔。到這陣，葬儀社攏會曉使用金黃色的布來佈置。金黃色有一種光明、安祥的氣氛，會當調節悲傷、烏陰的心情。
上看未上目的是訃文，百分之九十九是固定的色彩佮內容，一屑仔氣質美感就無，二十年來攏無變步，為啥乜未當較有感情咧，用白話、用詩來寫，紙本的設計較有創意、較有色彩、較有圖片咧？別項都咧冇開（出手大方），一張訃文一世人用一擺爾，閣有紀念性，敢有特別儉的必要。如果好好設計編寫，敢是加真有意義。我咧想，目前資訊發達，每個人自細漢到大漢，攏有需要建立一個生平檔案佮相片的檔案。親人別世，訃文頂頭將伊這生做精要的紹介，加上對伊的思念、感恩、祝福的文字。我想是文化素養低的關係，參保守無用心的問題。葬儀社佇這方面應當會使閣加強，凡勢煞會變成一項新流行。
奠禮的禮堂（世俗叫式場）佈置，有錢的是花山花海，無錢是簡單凊采，佇布帆下禮堂真歹佈置，加上天罩有較好看，欲舖排甲莊嚴，是愛真大場愛開真濟錢，欲素素仔閣莊嚴的是誠困難。
有了有孝佮用心的序細，閣有好的葬儀協助的人，奠禮才會莊嚴完滿。在生序細會曉有孝，過身了後奠禮辦甲真好適，人生才算有價值！
親人過身，現主時大多數是交予葬儀社處理，葬儀社按怎講，家屬就按怎做。
一擺蹛嘉義的師兄怹的老父過往，怹一個是高中老師，一個是醫生，阮趕到位，干礁看怹兩人怢怢坐踮客廳膨椅，毋知欲創乜好，老父的身軀囥踮怹頭前面的土跤兜。身軀倒佇一領薄薄的床枋頂懸，床枋的下面鋪著六塊薄薄一沿的磚仔角，磚仔角的下面是土跤。彼一幕足淒涼的感覺，我永遠會記得。
十幾年前阮去共亡者助念，就發覺拚廳共亡者囥佇土跤兜，感覺誠毋值，誠不忍心，心肝足礙謔。師父就敎阮愛將遺體的床枋用椅頭仔疊懸（墊高），助念團認為真有理，去助念的時就按呢要求，拄開始有的家屬毋肯接受，當時的葬儀社嘛有人反對，毋過較明理的家屬，認為按呢加真溫暖，人親像睏佇眠床。尤其阮會教家屬將床枋舖上嫷嫷的毛巾被，囥著亡者平時仔用的枕頭，身軀閣蓋一領薄氊仔，頂懸閣蓋阮紮去的金黃色陀羅尼被，家屬攏感覺足好的，無像別人囥佇土跤頂懸，閣蓋一塊白布，實在真驚人。
早期葬儀社無赫呢仔普遍的時，為著關懷蓮友，攏會幫怹搭靈幃佮靈堂，阮就提金黃色的布來佈置，十外年前是無人按呢做的，攏是用白雪雪的布仔。到這陣，葬儀社攏會曉使用金黃色的布來佈置。金黃色有一種光明、安祥的氣氛，會當調節悲傷、烏陰的心情。
上看未上目的是訃文，百分之九十九是固定的色彩佮內容，一屑仔氣質美感就無，二十年來攏無變步，為啥乜未當較有感情咧，用白話、用詩來寫，紙本的設計較有創意、較有色彩、較有圖片咧？別項都咧冇開（出手大方），一張訃文一世人用一擺爾，閣有紀念性，敢有特別儉的必要。如果好好設計編寫，敢是加真有意義。我咧想，目前資訊發達，每個人自細漢到大漢，攏有需要建立一個生平檔案佮相片的檔案。親人別世，訃文頂頭將伊這生做精要的紹介，加上對伊的思念、感恩、祝福的文字。我想是文化素養低的關係，參保守無用心的問題。葬儀社佇這方面應當會使閣加強，凡勢煞會變成一項新流行。
奠禮的禮堂（世俗叫式場）佈置，有錢的是花山花海，無錢是簡單凊采，佇布帆下禮堂真歹佈置，加上天罩有較好看，欲舖排甲莊嚴，是愛真大場愛開真濟錢，欲素素仔閣莊嚴的是誠困難。
有了有孝佮用心的序細，閣有好的葬儀協助的人，奠禮才會莊嚴完滿。在生序細會曉有孝，過身了後奠禮辦甲真好適，人生才算有價值！
