週六 5月 27, 2006 7:55 pm
彼領貂皮大衣
遮幾工誠毋閒，攏佇拼掃款物件，準備搬徙厝。佇款衫褲兮時袸，看到彼領貂皮大衣，誠久攏吊佇遐無穿，想起着遮領衫，心內略略仔感慨．．．．
查某囡大學畢業了後，誠順勢考入去台北市某ㄧ間國中教冊。寢入去學校，伊都作組長，歸工無閒到下班，歸工手機仔麻攏m敢關，驚學生仔兮家長或者係同事，臨時有代誌相揣。因為踮學校，伊不時愛處理學生兮問題，逐工攏佇學校內底四界走傯，所以穿插攏較澀貼，通好活動較溜撂淡薄矣。
無意誤，一遍學校佇開家長會兮時袸，家長會長針對學校兮老師穿插作批評檢討。阮查某囡麻係予怹唸東唸西兮對象，講啥乜作組長阿擱像大學生兮款，一屑仔都無成老師。阮查某囡都倒問怹，阿無係愛按怎穿才正確？結局怹兮意思係希望伊佇大寒兮天麻都穿裙，講查某老師愛較淑女咧。紲落無幾工，就提既領貂皮大衣來予阮查某囡，怹兮好意共慷慨，害伊一時雄雄m知卜按怎才好。
彼領衫提轉來了後，麻m密看過伊穿，有一工，伊甲彼領衫嘟來我兮頭前，甲我講：「馬麻，遮領衫予汝穿！」， 我都講：「遮衫修細領啦～我架呢大箍 ，袂穿置啦! 汝穿較嘟好，哪會m穿咧？」伊講彼款衫伊穿袂慣習，麻感覺無係怹遮款歲數兮查某囡仔佇穿兮衫。彼領衫將按呢吊甲近（吊到現在），像佇作見本仝款。
彼工佇咱遮網誌，看到有人寫講，既馬兮囝仔誠虛花，是媒體、老師、家長兮責任。內面有講着老師麻貪愛名牌，無予學生來作好模樣．．．．等等。聽到按呢兮話，內心感觸誠深，係有按呢兮老師無m對，毋擱有時陣，咱看到表面上兮，並無係伊兮本意，有時袸麻係孤不二衷矣 ．．．．遮麻係呷郎頭路兮人，較無法度避免兮現實問題。像我面頂所講兮，家長會長兮施壓，學校老師麻加減愛聽，校務才通好順勢推動。
再講，既馬兮囝仔，袂比得應過遐單純，阮查某囡哪抹寡粉點寡胭脂，學生都金金看，都問東問西，講老師卜約會嚄？無哪會抹粉擱抿目睭毛? 一點仔都無底甲老師信道，顛倒怹兮熟頭，予阮寢出社會兮查某囡看嘎愣（gun）去。
囝仔係咱國家未來兮主人，咱卜作一件代誌進前，攏愛想予好勢，按呢做對序細影響有外大？囝仔卜變歹變好計在觀念，影響兮原因誠複雜，趁伊阿細漢會就教愛緊教，毋通教袂行才來怨歎。家長 、老師、媒體、囝仔伴、同學．．．．．等等，攏係怹學習兮對象，做人做事兮觀念，係按呢慢慢仔累積矣，逐家責任都袂走閃地。今仔日咱予伊按怎兮社會，明仔在怹都會踏佇遮頂懸，擱繼續跁起去。所以咱逐家攏愛盡一份社會責任，無倘予咱序細爛土湳底才好。
-------------------------------------------------------------
[ 註解 ]
寢入去: 剛剛進入。
走傯 : 忙碌奔波。
澀貼 : 服貼。
溜撂 : 行動俐落。
見本 : 樣本。
仝款 : 一樣。
虛花 : 虛華。
孤不二衷 : 不得已。
應過 : 以前 or 較早。
抿目睭毛 : (抹睫毛膏的暫時替代詞, 不會寫...)
信道 : 採信或 尊重。
熟頭 : 成熟。
跁起去 : 爬上去。
序細 : 晚輩或 下一輩。
會就教 : 可以調教。
湳底 : 地基濕軟不實。
m : 不。
遮幾工誠毋閒，攏佇拼掃款物件，準備搬徙厝。佇款衫褲兮時袸，看到彼領貂皮大衣，誠久攏吊佇遐無穿，想起着遮領衫，心內略略仔感慨．．．．
查某囡大學畢業了後，誠順勢考入去台北市某ㄧ間國中教冊。寢入去學校，伊都作組長，歸工無閒到下班，歸工手機仔麻攏m敢關，驚學生仔兮家長或者係同事，臨時有代誌相揣。因為踮學校，伊不時愛處理學生兮問題，逐工攏佇學校內底四界走傯，所以穿插攏較澀貼，通好活動較溜撂淡薄矣。
無意誤，一遍學校佇開家長會兮時袸，家長會長針對學校兮老師穿插作批評檢討。阮查某囡麻係予怹唸東唸西兮對象，講啥乜作組長阿擱像大學生兮款，一屑仔都無成老師。阮查某囡都倒問怹，阿無係愛按怎穿才正確？結局怹兮意思係希望伊佇大寒兮天麻都穿裙，講查某老師愛較淑女咧。紲落無幾工，就提既領貂皮大衣來予阮查某囡，怹兮好意共慷慨，害伊一時雄雄m知卜按怎才好。
彼領衫提轉來了後，麻m密看過伊穿，有一工，伊甲彼領衫嘟來我兮頭前，甲我講：「馬麻，遮領衫予汝穿！」， 我都講：「遮衫修細領啦～我架呢大箍 ，袂穿置啦! 汝穿較嘟好，哪會m穿咧？」伊講彼款衫伊穿袂慣習，麻感覺無係怹遮款歲數兮查某囡仔佇穿兮衫。彼領衫將按呢吊甲近（吊到現在），像佇作見本仝款。
彼工佇咱遮網誌，看到有人寫講，既馬兮囝仔誠虛花，是媒體、老師、家長兮責任。內面有講着老師麻貪愛名牌，無予學生來作好模樣．．．．等等。聽到按呢兮話，內心感觸誠深，係有按呢兮老師無m對，毋擱有時陣，咱看到表面上兮，並無係伊兮本意，有時袸麻係孤不二衷矣 ．．．．遮麻係呷郎頭路兮人，較無法度避免兮現實問題。像我面頂所講兮，家長會長兮施壓，學校老師麻加減愛聽，校務才通好順勢推動。
再講，既馬兮囝仔，袂比得應過遐單純，阮查某囡哪抹寡粉點寡胭脂，學生都金金看，都問東問西，講老師卜約會嚄？無哪會抹粉擱抿目睭毛? 一點仔都無底甲老師信道，顛倒怹兮熟頭，予阮寢出社會兮查某囡看嘎愣（gun）去。
囝仔係咱國家未來兮主人，咱卜作一件代誌進前，攏愛想予好勢，按呢做對序細影響有外大？囝仔卜變歹變好計在觀念，影響兮原因誠複雜，趁伊阿細漢會就教愛緊教，毋通教袂行才來怨歎。家長 、老師、媒體、囝仔伴、同學．．．．．等等，攏係怹學習兮對象，做人做事兮觀念，係按呢慢慢仔累積矣，逐家責任都袂走閃地。今仔日咱予伊按怎兮社會，明仔在怹都會踏佇遮頂懸，擱繼續跁起去。所以咱逐家攏愛盡一份社會責任，無倘予咱序細爛土湳底才好。
-------------------------------------------------------------
[ 註解 ]
寢入去: 剛剛進入。
走傯 : 忙碌奔波。
澀貼 : 服貼。
溜撂 : 行動俐落。
見本 : 樣本。
仝款 : 一樣。
虛花 : 虛華。
孤不二衷 : 不得已。
應過 : 以前 or 較早。
抿目睭毛 : (抹睫毛膏的暫時替代詞, 不會寫...)
信道 : 採信或 尊重。
熟頭 : 成熟。
跁起去 : 爬上去。
序細 : 晚輩或 下一輩。
會就教 : 可以調教。
湳底 : 地基濕軟不實。
m : 不。
