圖檔

秋風的話


未記智佗ㄧ年　阮來到汝白色的窗阿門
窗外　有一簇甘藷拍拚咧開花
窗內的桌頂有ㄧ本拍開的日記簿
毋是阮有心偷看　
只是好奇　為何這頁汝只寫日期無內容

汝坐置鋼琴前彈著鋼琴
嘴內唱著望春風
短短的頭毛　紅紅的嘴唄　真古錐
阮輕輕吹置汝偌蘋果的面容
閣輕輕飛過汝白色的窗阿門　離開

今年　阮無意中又來到汝半開的窗前
原來白色的窗阿門已經變做咖啡色
窗內桌頂囥ㄧ個相框　
ㄧ張阮第一擺看著汝的時的相片
汝猶原坐置鋼琴前　彈著夢中的情歌

阮輕輕吹置汝偌花的面容 佮 長長的頭鬃
輕輕飛過汝的窗阿門　輕輕替汝將窗阿門關起來
毋予將欲搧來的冬風　拍醒汝純情的美夢

圖檔