不再的大時代的歌

台語文學發表園地
每日限貼兩篇

版主: 5656

不再的大時代的歌

文章5656 發表於 週一 9月 24, 2012 4:01 pm

 


2012-09-23
頭一首【向前走】
 
 
1990 年台中少年囝子林強以一首『向前走』紅遍台灣歌壇。這首歌講盡台灣經濟起飛的年代

,當時的少年郎懷抱著偉大夢想,北上賺吃的情景與心境,得著真濟郎的同感受與迴響。
 
  如今這群曾經佇彼个年代付出勞力、心力的朋友都已年過中年,如今毋管是毋是已經是一個
大頭家,或是勞碌一生退休,總是彼个大時代不可缺的一支小螺絲;每一个郎偌講起當年應該攏
有輝煌、幸福、得意,艱難、苦澀的一篇故事。

  
  阮雖非自願但也是彼群憨囝子的其中一個,所以當林強這首歌出來的時,往事親像電影。幾

十冬過去阮不只由少女至今近六十,台北也非當年模樣,予這一群憨子深深感覺遺憾的應該是台
北 的老火車頭,佮火車將進入台北站的中華商場的被拆!

歌曲連結
http://www.youtube.com/watch?v=gD14iiXq7Xw
  
火車漸漸在起走 再會我的故鄉和親戚 親愛的父母再會吧 到陣的朋友告辭啦 阮欲來去台北打拼 聽人講啥物好康的攏在那 朋友笑我是愛做暝夢的憨子 不管如何路是自己走 OH!再會吧! OH!啥物攏不驚 OH!再會吧! OH!向前行

車站一站一站過去啦 風景一幕一幕親像電影 把自己當作是男主角來扮 雲遊四海可比是小飛俠 不管是幼稚也是樂觀 後果若按怎自己就來擔 原諒不孝的子兒吧 趁我還少年趕緊來打拼 OH!再會吧! OH!啥物攏不驚 OH!再會吧! OH!向前走

台北台北台北車站到啦 欲下車的旅客請趕緊下車 頭前是現代的台北車頭 我的理想和希望攏在這 一棟一棟的高樓大廈 不知有住多少像我這款的憨子
卡早聽人唱台北不是我的家但是我一點攏無感覺 OH!再會吧! OH!啥物攏不驚
OH!再會吧! OH!向前走

 
第二首【出外人】

  講到台灣經濟起飛的年代,當然愛講彼些出外的憨子,在人生地無熟的都市是怎樣的打
拼,為的是欲出頭天。
 
  前兩工佇電視看著黎智英講伊初到香港,十歲出頭的囝仔佇手套工 場以廠為家、以工作
檯下為床的奮鬥歲月;其實佇民國60、70年代真濟台灣的少年郎,亦是焉爾「吃苦當作
吃補」刻苦耐勞咧打拼,所以才能創作台灣經濟的奇蹟。
 
  如今這些台灣經濟奇蹟攏成反黃的相片,中老年郎口中的故事, 現此時有12%失業率
的少年郎,當然是無法度體會。

歌曲連結
http://www.youtube.com/watch?v=fwWKfRSMIT8
 
不通問我 不通問我 阮是出外的人 你有你的 我有我的 度合無共款 艱苦著愛打拼 風雨也著行 為著好名聲 賺錢著愛勤儉 菜脯罔咬鹼 央望會晟人 若是成功 倒返故鄉 父母有笑容 若無成功 也免怨歎 阮是漂泊的出外人

第三首【最後一封信】
 
  少年郎出外打拼,放眛落的除了父母,當然還有佇故鄉的愛人;當年交通不便台北高雄需要坐一工
的火車,攏佇春節才能回鄉過年。一冬才見一擺面好比牛郎織女,所以平常只 靠寫批維持感情,因為長
途電話亦真貴。
 
  佇這款情形下能與故鄉的愛人,修得睏同床的姻緣其實無濟,有的是因為一方變心,有的是被迫與
他人婚嫁。
 
  在他鄉收著愛人最後的一封批,內心的苦澀與無奈相信只有當事人才能體會;不過彼个時代的少年郎
攏較堅強,眼屎擦擦咧繼續打拼,行向屬於家己的一片天,緣分 偌到組織一個屬於家己的幸福家庭。

歌曲連結http://www.youtube.com/watch?v=NQ62-Ipswnc&feature=related
今日接著一封 遙遠故鄉 愛人的批信 決心欲來與我 斬斷情絲 最後一封的批信 這呢無情 這呢薄倖 全無代念妳我過去彼段綿綿舊情怎樣隨時反面 找著新愛人

讀著心愛的人 絕情批信 一遍又一遍 伊講雙親壓迫 百般無奈 已經甲人訂親緣 祝我快樂 祝我幸福 最後祝我事業成功得著美滿婚姻 既然違背良心何必假有情


一字一滴情淚 滴落桌頂 傷心來回信 含著滿腹心酸 慢慢寫起最後一封的回信 再會愛情 再會愛情 從今以後無論海水會乾石頭會爛 甘願孤苦一生嘸願談愛情
一個土老太婆...o(‧"‧)o...

藍色的月光電子報
http://mychannel.pchome.com.tw/channels/5/6/565656/
學寫台語文電子報
http://mychannel.pchome.com.tw/channels/a/a/aaaa5566/
 
頭像
5656
文學競技版主
 
文章: 503
註冊時間: 週一 2月 09, 2004 8:51 pm
來自: 高雄
部落格: 觀看文章

回到 台語文

誰在線上

正在瀏覽這個版面的使用者:沒有註冊會員 和 1 位訪客