【無奈的日頭花】

我有看著真濟學生
被迫置這種環境中讀冊
一邊防備被打
一邊訴求台灣有光明的未來
期待畢業了後毋免離國去作台勞
煩惱以後偌去作台勞
故鄉的爸母欲如何？

聽講你是名校的法學博士
為何你簽合約欲將阮賣
毋免予阮知悉將阮是賣外濟
將阮是賣斷一生
抑只是綁數年就可以自由

你可能未記
阮才是你的大頭家
包括你的手下文官武將舉枝棍
攏是全民的爸母兄弟姐妹
辛苦拍拚賺來的錢來飼恁
如今你反欲賣頭家去做奴才
你家己匿起來叫一大群舉枝棍
出來打學生民眾到流血流滴
真是豈有此理！

你閃東閃西匿置貓鼠洞內
找一堆郎入去講一大篇無意義的話
總講你就是無賣台灣甭駛
賣了台灣橫豎你是外國郎
叫民眾如何吞落一口悸！
圖檔