2012.07.08 14:00-16:00「幸福歌者 行吟詩人」蕭澤倫唸歌詩

喜菡文學網主辦之文學講座活動公告及記錄
圖檔
「行吟詩人。幸福歌者」蕭澤倫[阿律]簡歷資料

個人基本資料
幸福歌行者.蕭澤倫(筆名阿律)
台灣彰化人
國立台灣藝術大學美術系畢業
美國俄亥俄州澤維爾大學教育碩士
曾任台灣藝術大學兼任講師
AMI國際蒙特梭利3-6教師證
AMS國際蒙特梭利6-9教師證
曾任AMS上海國際蒙特梭利師訓中心講師
1997.03第14屆全國大專創作歌曲比賽第二名及最佳作曲獎
1998.12第16屆政大金旋獎創作組第一名及最佳作詞獎
2001.5第12屆金曲獎傳統暨藝術音樂作品類「最佳作詞人」
2002.7 鄧麗君歌唱大賽第一名
2005.8桃園國際歌歌謠之星選拔賽最佳創作評審團大獎
2009.11 第三屆海峽兩岸原創閩南語歌曲歌手大賽第三名
2011.11由風潮音樂發行[吃飯皇帝大]全創作專輯

創作理念
以正向積極的精神做為主體,運用精湛的台語詞彙與聲韻,搭配清新舒緩的旋律,汲取故鄉泥土中的養分,伴以溫暖的人情味,呈現出台灣幸福民謠的新風貌。

演出方式
詩歌朗讀/吉他彈唱

演出曲目
1. 行值路裡(走在路上)
2. 我值昸時唸詩(我在何時唸詩)
3. 一個人的時(一個人的時候)
4. 浮洲哥的小船
5. 紅花紅紅
6. 無啥物煩惱(沒什麼煩惱)
7. 繼續行
8. 誠心來感懷
9. 溫柔的運命(溫柔的命運)
10. 飲啦!愿頭!(喝吧!傻蛋!)
11. 出外的囡仔(出外的孩子)
12. 青春的彩筆
13. 我的愛在天涯
14. 轉去的彼條路(回去的那條路)
15. 想媽媽著緊轉去(想媽媽就快回去)
16. 阿美嬸仔的醬瓜仔(阿美嬸的醬瓜)
17. 咱來做銀河夢(我們來做銀河夢)
18. 伊只是想欲坐值遐(她只是想要坐在那)

演出歌詞
1. 行值路裡(走在路上)詞曲:蕭澤倫
行值路裡,一雙手親像是蛾的翼,翊來翊去,飛上天頂化成一粒星。
行值路裡,一雙腳親像是搵墨的毛筆,撇來撇去,游入溪底變作一尾魚。

游來游去,修來修去,目珠一眨、一眨、一眨 五百年。
游來游去,修來修去,目珠一眨、一眨、一眨 閣五百年。

敢有人姓莊?敢有人姓莊?有人姓莊否?姓莊的舉手!
伊做一個魚仔網,做一個魚仔網,作一個魚仔夢,啊!網著一尾魚!

行值路裡,我唸著溜俐的歌詞,啦啦啦啦……。

2. 我值昸時唸詩(我在何時唸詩)詞曲:蕭澤倫
我值昸時唸詩,彼條光明的詩,我值昸時唸詩,值我活咧的時。
我值昸時唸詩,彼條人生的詩,我值昸時唸詩,值我喘氣的時。

我早起時唸詩,我中晝唸詩,我欲晚啊唸詩,我欲睏唸詩。

人生本底是美麗的詩歌,有高有低有快樂也有傷悲,
人生本底是平凡的詩歌,唱值吃飯值係行路的時。

3. 一個人的時(一個人的時候)詞曲:蕭澤倫
值咱一個人的時陣,眼前路敢看會清?
無人依無人倚的時陣,咱心內敢有一葩燈?

目一聶,再回頭的時陣,雨夜路是冷清清,
夢一醒,無噗仔聲的時陣,敢也是一蕊清氣的白雲?

一個人的時,愈飲愈清醒,
一個人的時,正想起人生的酸甘蜜甜;
一個人的時,正知影苦痛的滋味,
一個人的時陣,看著自己欺騙自己的傷痕。

一個人的時,一個人的時,
一個人的時陣,看著心中的自己。

4. 浮洲哥仔的小船(浮洲哥的小船)詞曲:蕭澤倫
浮洲哥仔伊划著一隻無尾的小船,
風微微吹過水面一陣又一陣,
白鴒鷥飛來飛去親像一蕊雲,
來來來船過水無痕。

浮洲哥仔伊划著一隻無尾的小船,
天未光伊的火已經點值係水中央,
人客是來來去去伊一擺收兩銀,
伊的心哪來是哪單純。

感謝天!所以我歡喜自在;
因為我歡喜,
所以人客愛與我載;
感謝天!所以我知
欲去代!

5. 紅花紅紅 詞曲:蕭澤倫
﹝國﹞秋天到了風光好,
窗前明月照呀照,
萬籟寂靜心中明瞭,
柔軟的花對我笑。

﹝台﹞好花紅紅心情振動,
落地時陣一場夢,
我將紅花輕啊輕輕放,
心頭輕鬆有花香。

﹝國﹞紅花兒香,心頭明亮,
秋風陣陣吹臉上,
﹝台﹞春夏秋冬,一工又一工,
紅花紅紅心輕鬆。

6. 無啥物煩惱(沒什麼煩惱)詞曲:蕭澤倫
天有日頭,地有溝,花會大蕊,嘛會放水流。

無啥物煩惱,無啥物煩惱,無啥物煩惱,無啥物煩惱。

免相打,免冤家,免怨切,免相欺騙。

田嬰低低飛,溪邊唸歌的是水蛙,月娘四界踅,踅來阮兜的門腳口。
烏雲樹頂走,雨微仔丼丼漏,風若透,大石會點頭。

無啥物煩惱,無啥物煩惱,無啥物煩惱,無啥物煩惱。

7. 溫柔的運命(溫柔的命運)詞曲:蕭澤倫
坐值火車頭金金給看,離鄉出外的命,頭前的彼例阿伯大摜細摜,彽想啥阮毋知影。

無暝無日阮認真來拚,青春少年的命,三頓兩頓是作一頓吃,仰望一工得到天公疼。

有人追求好名聲,有人追求輕鬆的命,有人追求金銀山,有人追求真勇健。

溫柔的水流聲,溫柔的彼屏山,溫柔的歌聲唱值金色的水田岸。
溫柔的媽媽的歌,溫柔有你的陪伴,溫柔牽阮的囡仔行值門口埕。

8. 誠心來感懷 詞曲:蕭澤倫
腳步放乎在,心頭真爽快,攀山過嶺無阻礙。

凡事照起工來,昧拄大風颱,穿若會燒、食若會飽,誠心來感懷。

感謝天公來落雨,感謝日頭來曝土,感謝芳花乎人好氣味,感謝你我歡喜相見。

9. 繼續行(繼續走)詞曲:蕭澤倫
一路行,一路看,
濛濛路,你敢會驚?
一路行,一路聽,
吵鬧中,你敢有伴?

求平安,心不安,
求富貴,求昧完,
求名聲,昧記哩家己的名,
要人聽話,煞聽無家己的聲。

所以繼續行,咱繼續行,
毋免計較啥;
所以繼續行,咱繼續行,
毋驚;
所以繼續行,咱繼續行,
每一步攏踏乎正正,
認真創造咱的運命。

10. 飲啦!愿頭!(喝吧!傻蛋!)曲:劉榮昌 詞:蕭澤倫
﹝台﹞
少年的你看,青春一去不回頭,
無論你是啥角頭,啥人永遠攏昧老?
少年的你看,人生短短免計較,
船若開風著到,一點露有一枝草。

少年的你看,天涯何處無芳草,
毋通珠淚偷偷流,找一的卡好的煞昧曉。
少年的你看,﹝國﹞人生行樂要趁早,
﹝台﹞毋通好花無挽掉,時到蔫蔫放水流。
﹝國﹞
哥哥姐姐、弟弟妹妹,大家一起喊乖乖;
爸爸媽媽、阿公阿嬤,大家一起嗨!
哥哥姐姐、弟弟妹妹,大家一起喊乖乖;
爸爸媽媽、阿公阿嬤,一起跟我嗨!
﹝台﹞
啊~愿頭!飲啦!飲啦!
田無溝,水無流,感情會好正好笑。
啊~愿頭!飲啦!飲啦!
雲若開,日擔頭,好運有影擋昧牢。

11. 出外的囡仔(出外的孩子)詞曲:蕭澤倫
有真久毋捌轉去思念的庄腳,險險啊昧記欲對佗落車;
摜甲大包細包,厝邊隔壁探頭問講,之是佗來的少年兄。

踏入去阮兜曠闊的門口埕,親像看著阿公猶原坐值遐,
入門阿母著趕緊來檢查,看我自頭到尾敢有去乎減一仔塊肉!
我講腹肚枵甲強欲通尻脊坪,阿爸講歸家伙仔大家攏來吃,
阿嬤講出門在外毋通濫肆食,阿弟仔講吃飯正是皇帝大。

我是在地的番薯仔囝,我上愛吃阿母滾的豬腳,
細漢上愛共偷丟羨仔,大家攏叫阮大頭囡仔!

我是無腳的布袋戲翁仔,為著理想生活來都市打拼,
毋是阮甲意四界來走拋拋,之是無奈現實甲勞碌的命。

台北的北風吹甲是冷閣寒,熱天是熱甲強欲火燒山,
你若問我講愛值佗位住,我講你斟酌聽,你斟酌聽,我欲來去山頂飼雞仔。

12. 青春的彩筆 詞曲:蕭澤倫
揭一枝青春的彩筆甲一本寫生簿,
找一條清幽的小路來畫圖,
畫一陣風,畫一片葉掉落土,
簡單的筆觸親像是西北雨。 哦~

騎一隻生鏽的鐵馬穿一軀破衫褲,
找一叢開花的蓮霧來畫圖,
畫一隻蛾,畫伊值咧跳舞的形影,
美麗的色彩親像快樂的歌聲。哦~

來畫圖,來畫圖,來畫圖,
風吹值阮的頭鬃,嘛打開心裡的門窗。

來畫圖,來畫圖,來畫圖,
畫小雨停,日頭照阮轉去的路。

13. 我的愛在天涯 詞曲:蕭澤倫
﹝台﹞火車停值即個車站恬恬攏無聲,
昨日的約束裝值係包仔內嘛漸漸欲起行,
生鉎的鐵支路,彩色的日記簿,
路邊的老柴箍,
有一兩個幸福、三四個照顧,
攏囥值彼間舊倉庫。

紅紅的茨瓦值彼粒山頭是啥物人姻兜?
黃色的油菜花圍值係庄仔外有平靜的溪流,
夢中的彼條路,無疑悟的一滴雨,
異鄉的老查甫,
有五六張地圖、七八本相簿,
攏吊值彼條牛仔褲。

﹝國﹞我離開我的家,我的愛在天涯,
﹝台﹞你敢有彽聽?值彼條路的雨聲。
﹝國﹞我離開我的家,我離開長長的髮,
﹝台﹞一個人唱歌一個人聽,
一個人唱著我的心情。

14. 轉去的彼條路(回去的那條路)詞曲:蕭澤倫
你是不是已經行值轉去故鄉的彼條路?
你講彼條路的路邊有溪水真清氣,有蝦、有魚,有憩陶的紅田嬰。
微微風輕輕彽吹,路邊有一欉小白花,恬恬攏無講話;
微微風輕輕彽吹,有媽媽煮飯的燃柴味,值溪水彽流的時陣,叫你緊轉去!

你是不是已經行值轉去故鄉的彼條路?
你講彼條路的路邊有軟軟的田土,有蝦、有魚,有澹漉漉的牛仔褲。
微微風輕輕彽吹,樹頂有斷線的破風吹,恬恬攏無講話;
微微風輕輕彽吹,有阿爸交代的彼句話,值咱逐擺跋倒的時陣,毋通頭纍纍!

值彼個夢中,值彼個夢中,我有聽著囡仔時的歌唱昧煞,
值彼個夢中,值彼個夢中,有看著,天真的笑容。

你是不是已經行值轉去故鄉的彼條路?

15. 想媽媽著緊轉去(想媽媽就快回去)詞曲:蕭澤倫
想著當初離開的熱天,需要真大的勇氣,
為著追求成功故事的囝兒,您來車頭笑笑送伊,
毋知經過若濟的苦澀酸甜,時間一年一年過去,
若是拄好免加班的彼一暝,決定會心空虛。

若是你欲高高飛上天,需要堅強的意志,
為著永遠無煩無惱的日子,著愛犧牲你家己,
無論人生是若光的美麗流星,流星總嘛會化去,
若是思念豬腳滷蛋的氣味,決定會想欲轉去。

欲來著來,欲去著去,想媽媽著緊轉去。
欲來著來,欲去著去,想媽媽著緊轉去。

若自夢中清醒的彼當時,毋通來放昧記,
有一工幸福滋味只剩一張烏白的相片。

16. 阿美嬸仔的醬瓜仔(阿美嬸的醬瓜)詞曲:蕭澤倫
小路彎彎對遮斡入去, 古早厝藏值柴樹仔的後壁面,
嘻嘻嘩嘩的開講聲親像夜市 ,決定是阿美嬸仔的序細閣轉來團圓。

兄弟仔相招假日著倒轉去,春夏秋冬無分好天抑落雨時,
大大細細、吵吵鬧鬧是真趣味,日頭照值阿美嬸仔伊笑笑的目眉邊。

是安怎偌濟年,姻兜的芳花攏開甲遐大蕊?
是安怎三不五時,姻兜的桌頂攏排遐濟碗箸?

斟酌給偷看桌頂,有暗崁啥代誌,一塊烏烏的醬瓜仔,逐頓攏有伊,
囡仔吃了鰲讀書、大人鰲趁錢,之是為啥物?到底是為啥物?

一定是阿美嬸仔的醬瓜仔有一味,一個乎人昧當放昧記哩的氣味;
一定是阿美嬸仔的醬瓜仔有一個秘密,正會乎我~目屎流目屎滴。

17. 咱來做銀河夢(我們來做銀河夢)詞曲:蕭澤倫
我做一個銀河夢,欲來對你講,
天邊的大水淌,像媽媽的白頭鬃,
離開的彼一暗,新娘的目箍紅,
為著生活船出港,欲來做都市人。

經過幾十冬,阿娘伊雙手放,
滿山花蕊失清香,人去樓也空,
歸山全鐵銅,溪水攏汙染,
夢中驚醒雙頭空,阮無愛做都市人。

簡簡單單一世人,咱來做銀河夢,
襪仔寮溪邊咱鬥相工,幸福好希望;
簡簡單單一世人,咱來做銀河夢,
襪仔寮溪邊有花紅紅,感謝天鬥幫忙。

我做一個銀河夢,欲來對你講,
滿山野花芳,彩蝶作媒人,
水蛙啾啾叫,人客惴一跳,
你我看破紅塵夢,甘願來做傻人。

簡簡單單一世人,咱來做銀河夢,
襪仔寮溪邊咱鬥相工,幸福好希望;
簡簡單單一世人,咱來做銀河夢,
襪仔寮溪邊有花紅紅,感謝天鬥幫忙。

18. 伊只是想要坐值遐(她只是想要坐在那)詞曲:蕭澤倫
你若遠遠看,會看著青青的一逝山,
山腳有一條烏烏的田圳岸,
坐一個笑笑的老阿嬤;
姻翁離開早,
姻後生嘛做粗工做到斷性命,
姻媳婦真梟雄是放下兩個囝,
伊就一爿做田,一爿來給姻寬寬成。

有一工姻坐值樹頭納涼閣兼洗腳,
遠遠有一台烏頭仔駛入來門口埕,
姻講地方發展、國家未來須要姻來徙,
您即塊爛田趁昧赴食,
阮用金山來甲你換;
阿嬤毋別字,但是嘛無影這軟弱,
掃帚揭咧,著戽姻出大廳。

一日田做煞,是雷公兼焟爉,
一陣警察仔給怪手來護駕,
揭放送頭在嘩聲,準備要來拆。

伊只是想要坐值遐,
你就駛喀土機來給伊請,
請伊莫閣看,莫閣哭到大小聲,
請伊目珠闔闔離開係鎮位的公媽廳。

伊只是想要坐值遐,
只是想要與乖孫的有飯通好食,
只是想要與祖先仔有人奉伺、有盈轉來看,
只是想要參伊的愛人仔,
有一工會當埋作伴。

和我一樣也是彰化人
我去聆聽

謝謝喜老師^_^
5656 寫:

和我一樣也是彰化人
我去聆聽

謝謝喜老師^_^


5656

好歌大家欣賞
招一些街坊鄰居來吧

感謝感謝